नलगाड जलविद्युत आयोजनाको मुआब्जा वितरणको बाटो खुल्यो
<p>जाजरकोट। नलगाड जलविद्युत् आयोजनाको लामो समयदेखि थाँती रहेको मुआब्जाको वितरणको विवाद सल्टिएको छ।</p>
<p>५ फागुनमा जिल्ला प्रशासन कार्यालय जाजरकोटमा बसेको बैठकले मुआब्जा वितरणको कुरा टुंग्याएको छ।</p>
<p>मुआब्जा वितरणमा विभेद भएको भन्दै आलोचना गर्दै आएका स्थानीयवासी माग सम्बोधन भएपछि मुआब्जा वितरणको बाटो खुलेको हो।</p>
<p>पीडितले वन तथा वातावरणमन्त्री शक्तिबहादुर बस्नेत, ऊर्जामन्त्री वर्षमान पुनलगायतलाई भेटेर मुआब्जाको रकम बढाउन माग गरेका थिए।</p>
<p>प्रमुख जिल्ला अधिकारी जनकराज पन्तका अनुसार चार हजार ६०५ रोपनी जग्गाको मुआब्जा वितरणको कुरा टुंगो लागेको छ।</p>
<p>प्रतिरोपनी छ लाखका दरले मुआब्जा रकम दिने सहमतिपछि विवाद मत्थर भएको प्रजिअ पन्तले बताए।<br />
<br />
अहिले आयोजनाको वातावरणीय प्रभाव मूल्यांकनको काम अन्तिम चरणमा पुगेको आयोजनाले जानकारी दिएको छ।</p>
<p>विस्तृत आयोजना प्रतिवेदन (डिपिआर) को जिम्मा अष्ट्रेलियाको स्मेक इन्टरनेशनल प्रालि, अमेरिकाको एमडब्लुएच इन्टरनेशनल आरएनसी र नेपाली उदय कन्सल्टेन्सीले लिएका छन्।</p>
<p>जापानी व्यवसायी एवं जाइकाले नलगाड जलविद्युत् आयोजना निर्माणका लागि इच्छासमेत देखाएका छन् । आयोजना निर्माणका लागि १२३ अर्ब लाग्ने अनुमान गरिएको छ।</p>
<p>वातावरणीय व्यवस्थापन अनुमानित लागत ५६ अर्ब लाग्ने आयोजनाले बताएको छ।</p>
<p>साढे छ वर्षभित्र निर्माणकार्य पूरा गर्ने लक्ष्य लिइएको छ।</p>
<p>आयोजनाको बाँध भरिँदा ४७४ करोड घनमिटर पानी भण्डारण हुनेछ। यो समुद्र सतहदेखि एक हजार ५८० सम्मको उचाइमा पुग्ने छ।</p>
<p>५४५ मिटर चौडाइ र २१० मिटर अग्लो जलाशय हुनेछ । आठ हजार ३०० मिटर लामो भूमिगत सुरुङ निर्माण गरी ४१७ मेगावाट विद्युत् उत्पादन हुने डिपिआरमा उल्लेख छ । <br />
<br />
सरकारले आयोजना प्रभावित ६५७ भन्दा बढी घरपरिवारलाई दुई अर्ब ७२ करोड मुआब्जा बाँड्ने तयारी थालेको छ। <em>रासस</em></p>
प्रतिक्रिया दिनुहोस्
.jpg)
