आमा र नवजात शिशुको मृत्युपछि रंगेली अस्पताल तनावग्रस्त
<p>विराटनगर। प्रसूतिका क्रममा आमा र नवजात शिशुको मृत्यु भएपछि मोरङको रंगेली अस्पताल तनावग्रस्त छ।</p>
<p>चिकित्सककाे लापरबाहीले आमा र नवजात शिशुकाे मृत्यु भएकाे भन्दै स्थानीयले विराेध प्रदर्शन गरेका छन्।</p>
<p>प्रसूतिका क्रममा रंगेली नगरपालिका दोमनाकी २५ वर्षीया रविना सरदार र शिशुको मृत्यु भएको हाे।</p>
<p>प्रसूतिका क्रममा चिकित्सकको लापरबाहीले रबिनाको मृत्यु भएको भन्दै आफन्तले शव बुझ्न नमानेको मोरङका प्रहरी उपरीक्षक विश्व अधिकारीले जानकारी दिए। उनका अनुसार अहिले अस्पताल परिसरमा मृतकका आफन्तले विरोध प्रदर्शन गरिरहेका छन्।</p>
<p>सरदारलाई ५ फागुन बिहान प्रसूतिका लागि अस्पतालमा भर्ना गरिएको थियो। सरदारले बिहान १० बजे छोरा जन्माएकी थिइन्।</p>
<p>बच्चा जन्माएपछि रबिनाको अत्यधिक रक्तश्राव भएको थियो। धेरै रक्तश्राव भएपछि अस्पतालले रेफर गरेको थियो ।</p>
<p>नोबेल अस्पताल पुर्‍याउँदा चिकित्सकले रविनालाई मृत घोषित गरेका थिए।</p>
प्रतिक्रिया दिनुहोस्
.jpg)
