लागुऔषधसहित ५ पक्राउ
<p>ब्यूरोले काठमाडौं–२९, सामाखुशीबाट १४ असोज दिउँसो साढे २ बजे एक किलो मेथ एम्फेटामाइनसहित पोखरा महानगरपालिका–२६, विजयपुरका ३७ वर्षीय भूवन अधिकारी र पर्सा पोखरिया नगरपालिका–८ का हाफिज नसिम अख्तर तेलीलाई पक्राउ गरेको छ।</p>
<p>उनीहरू दुवैको बयानका आधारमा ब्यूरोले १५ असोज दिउँसो २ बजे पोखरीया नगरपालिका–८ का २८ वर्षीय महमद शहीद अख्तर, तनहुँ शुक्लागण्डकी नगरपालिका–९ का २३ वर्षीया रजिया खातुन र भारत बेथेल ऐजोल मिजोरम बस्ने ३१ वर्षीय जोसाङ लियानालाई समेत पक्राउ गरेको छ।</p>
<p>उनीहरूको साथबाट ब्यूरोले साढे ४ ग्राम याबा नामक लागुऔषध बरामद गरेको छ। त्यस्तै लागुऔषध खात जस्तो देखिने सुकेको पात १०० ग्राम पनि बरामद गरेको छ।</p>
<p>उनीहरू तीनैजना काठमाडौैं महानगरपालिका–१४, कलंकीबाट पक्राउ परेका हुन्।</p>
<p>लागुऔषधसहित पक्राउ परेका पाँचजनाविरुद्ध लागुऔषध नियन्त्रण ऐन २०३३ अन्तर्गत मुद्दा चलाएर कारबाही प्रक्रिया अघि बढाइएको ब्यूरोले जनाएको छ।</p>
प्रतिक्रिया दिनुहोस्
.jpg)
