सुनको मूल्य प्रतितोला ७७ हजार १०० पुग्यो
<p>काठमाडौं। पछिल्लो समय अन्तर्राष्ट्रिय बजारमा लगातार बढिरहेको सुनको मूल्य आज नेपाली बजारमा प्रतितोला ७७ हजार १०० रुपैयाँ पुगेको छ।</p>
<p>हिजो (६ फागुन)को तुलनामा आज सुनको मूल्य प्रतितोला ४०० रुपैयाँले बढेको हो। यो बृद्धिसँगै छापावाल सुनको मूल्य आज ७७ हजार १०० रुपैयाँ कायम भएको हो। नेपाल सुनचाँदी व्यवसायी महासंघका अनुसार हिंजो छापावाल सुनको मूल्य प्रतितोला ७६ हजार ७ सय रुपैयाँ थियो।</p>
<p>महासंघका अनुसार तेजावी सुनको मूल्य आज प्रतितोला ७६ हजार ८०० रुपैयाँ कायम भएको छ। हिजो प्रतितोला आठ सय ९० रुपैयाँमा कारोबार भईरहेको चाँदीको मूल्य बढेर ९०५ रुपैयाँ पुगेको छ।</p>
<p>त्यसैगरी, आजका लागि प्रति १० ग्राम छापावाल सुनको मूल्य ६६ हजार १०० रुपैयाँ र प्रति १० ग्राम तेजाबी सुनको मूल्य ६५ हजार ८४५ रुपैयाँ तोकिएको छ।</p>
<p>प्रति १० ग्राम चाँदीको मूल्य ७७६ रुपैयाँ रहेको महासंघले जानकारी दिएको छ।</p>
प्रतिक्रिया दिनुहोस्
.jpg)
