जग्गा अभावमा अलपत्र पर्दै धनगढीको 'एयरक्राफ्ट म्युजियम'
<p>कैलाली। धनगढीको आकर्षण बनेको 'एयरक्राफ्ट म्युजियम' ठाउँ अभावमा अन्यत्रै सार्नुपर्ने अवस्थामा पुगेको छ।</p>
<p>जग्गाधनीबाट लिज अवधि नथपिएको र नयाँ ठाउँमा राख्न जग्गा नपाएपछि संग्रहालय राख्ने ठाउँ नपाएको संचालक क्याप्‍टेन वेद उप्रेतीले बताए।</p>
<p>म्युजियम राखिएको हालको जग्गाको लिज अवधि छ वर्षको थियो।</p>
<p>क्याप्टेन उप्रेतीले कस्मिक एअरको ग्राउण्डेड फोकर-१०० जहाज बैशाख २०७० सालमा डेढ करोड रूपैयाँ लगानी गरी धनगढी ल्याएर स्थापना गरेका थिए।</p>
<p>क्याप्टेन वेद उप्रेती ट्रस्टमार्फत् धनगढी र काठमाडौंमा एयरक्राफ्ट म्युजियम संचालन भइरहेको छ।</p>
<p>ट्रष्टले महेन्द्रनगरमा पनि म्युजियम स्थापनाको काम थालेको छ।</p>
<p>धनगढीस्थित देशकै पहिलो विमान संग्रहालयभित्र राइट ब्रदर्शका पालादेखि अहिलेसम्म बनेका दुई सयभन्दा बढी नमुना विमान पर्यटकको अवलोकनका लागि राखिएका छन्।</p>
प्रतिक्रिया दिनुहोस्
.jpg)
