रोल्पामा पहिलो लगानी सम्मेलन हुँदै
<p>रोल्पा। रोल्पामा पहिलो लगानी सम्मेलनको तयारी गरिएको छ।</p>
<p>रोल्पा नगरपालिकाले १४-१५ फागुनमा लिवाङमा लगानी सम्मेलन आयोजना गर्ने भएको हो।</p>
<p>सम्मेलनमा उद्योग, व्यापार पर्यटन तथा जलविद्युत्को क्षेत्रका व्यक्ति एवं विज्ञ सहभागी हुने छन्।</p>
<p>जलविद्युत्, पर्यटन, कृषि तथा उद्यमका क्षेत्रमा लगानी भित्र्याउने उद्देश्यका साथ सम्मेलन गर्न लागिएको मेयर पूर्ण केसीले जानकारी दिए।</p>
<p>जिल्लामा लगानीको राम्रो सम्भावना रहेको बताउँदै केसीले सम्मेलनपश्चात् ऊर्जा, कृषि तथा पर्यटनको क्षेत्रमा प्रगति हुने विश्‍वास गरेका छन्।</p>
<p>जिल्ला समन्वय समिति तथा उद्योग वाणिज्य सङ्घ सम्मेलनको सहआयोजनक छन्। <em>रासस</em></p>
प्रतिक्रिया दिनुहोस्
.jpg)
