पर्यटकलाई स्वागत गर्न विमानस्थलमा तीन भाषा बोल्ने ‘पर्यटन परी’
<p>काठमाडौं। त्रिभुवन अन्तर्राष्ट्रिय विमानस्थलमा पर्यटकलाई स्वागत गर्न ९ फागुनदेखि दुईवटा रोबोट राखिने भएको छ। नेपाली युवाहरूले बनाएको यी दुई रोबोटले नेपाल आउने पर्यटकलाई तीन भाषामा स्वागत गर्ने बताइएको छ।</p>
<p>‘पर्यटक परी’ नाम दिइएका यी दुई रोबोटले नेपाली, अंग्रेजी र चिनियाँ भाषामा विदेशी पर्यटकलाई सेवा दिने छन्। ती रोबोटले पर्यटकहरूलाई दुई हात जोडेर नमस्ते गर्नुका साथै नेपालबारे जानकारी समेत दिनेछन्।</p>
<p>हिंड्डुल समेत गर्न सक्ने क्षमताका दुई रोबोटले नेपालका पर्यटकिय गन्तव्यबारे बोलेरै जानकारी दिनेछन्। दुईतर्फ कुरा पनि गर्न सक्ने यी रोबोटले विमानस्थलबारेका जानकारी पनि दिने बताइएको छ। </p>
<p>रोबोटको उद्घाटन् गर्दै नागरिक उड्डयन तथा पर्यटनमन्त्री योगेश भट्टराईले विदेशी पर्यटकलाई आवश्यक जानकारी दिन रोबोट राखिएको बताए। भने, “अंग्रेजी बोल्न र बुझ्न नसक्ने चिनियाँलाई लक्षित गर्दै रोबोटमा चिनियाँ भाषा राखिएको हो।”</p>
<p>परिक्षणका क्रममा सुरु गरिएको रोबोट सेवा सफल भए निर्माणाधिन अन्य अन्तर्राष्ट्रिय विमानस्थलमा पनि राखिने मन्त्री भट्टराईले बताए।</p>
<p>पर्यटन बोर्ड, भ्रमण वर्ष सचिवालय र नागरिक उड्डयन प्राधिकरणको संयुक्त लगानीमा नेपालमै बनाइएको दुई रोबोट निर्माणमा झण्डै ४० लाख रुपैयाँ खर्च भएको बताइएको छ। रोबोट नेपाली प्रविधि कम्पनी पाइला टेक्नोलोजीले निर्माण गरेको हो।<br />
</p>
<p style="text-align:center"><img alt="" height="640" src="https://www.dekhapadhi.com/storage/photos/shares/Airport/_RAB8360 copy.jpg" width="960" /></p>
<p style="text-align:center"><img alt="" height="611" src="https://www.dekhapadhi.com/storage/photos/shares/Airport/_RAB8352 copy.jpg" width="960" /></p>
<p> </p>
प्रतिक्रिया दिनुहोस्
.jpg)
