अमेरिकी सांसदलाई अर्थमन्त्री खतिवडाले भने- ‘ढुक्क हुनुस् एमसीसी पारित हुन्छ’
<p>काठमाडौं। अर्थमन्त्री डा. युवराज खतिवडाले मिलिनियम च्यालेन्ज कर्पोरेसन (एमसीसी) संसदबाट पारित हुने बताएका छन्।</p>
<p>संयुक्त राज्य अमेरिकी कंग्रेसका दुई सदस्यसँगको भेटमा अर्थमन्त्री खतिवडाले एमसीसी नेपाललाई चाहिने सहायता भएको बताए।</p>
<p>एमसीसी पास हुनेमा द्विविधा नरहेको बताउँदै अर्थमन्त्री खतिवडाले भने, “एमसीसी सहायता संसदबाटै पारित हुन्छ।”</p>
<p>भेटका क्रममा अर्थमन्त्रीले नेपाल र अमेरिकाबीचको सम्बन्ध पुरानो रहेको स्मरण गर्दै अमेरिकाले नेपालको विकासमा सहयोग गर्दै आएको बताए।</p>
<p>अमेरिकाले नेपालको शिक्षा, स्वास्थ्य, कृषि जस्ता क्षेत्रमा सहयोग गर्दै आएको छ।</p>
<p>छलफलमा नेपालका विकास प्राथमिकता, आर्थिक स्थिति र लगानीमैत्री वातावरणका लागि भएका प्रयासका सम्बन्धमा समेत छलफल भएको थियो।</p>
<p>अमेरिकी कंग्रेस सदस्यहरूले अर्थमन्त्री खतिवडासँग नेपालको अर्थतन्त्र, निजी क्षेत्रको भूमिका, राष्ट्रिय प्राथमिकताका क्षेत्रका विषयमा चासो राखेका थिए।</p>
प्रतिक्रिया दिनुहोस्
.jpg)
