स्वास्थ्यका कर्मचारी हेरफेर
<p>काठमाडौं। स्वास्थ्य तथा जनसंख्या मन्त्रालयमा कर्मचारीको हेरफेर गरिएको छ।</p>
<p>स्वास्थ्य तथा जनसंख्यामन्त्री भानुभक्त ढकालले ८ फागुनमा मन्त्रीस्तरीय निर्णय गर्दै सरुवा तथा पदस्थापना गरेका हुन्।</p>
<p>अन्नपूर्ण पोष्टका अनुसार स्वास्थ्य सेवा विभागको निमित्त महानिर्देशक महेन्द्रप्रसाद श्रेष्ठलाई निय्क्त गरेका छन्।</p>
<p>यसअघि उनले मन्त्रालयको समन्वय महाशाखाका प्रमुख एवं प्रवक्ताको जिम्मेवारी सम्हालेका थिए। उनी १२ औं तहको बढुवा सूचीमा छन्।</p>
<p>विभागका निमित्त महानिर्देशक डा. रोशन पोखरेलको मन्त्रालयमा सरुवा गरिएको छ।</p>
<p>मन्त्रालयको समन्वय महाशाखा प्रमुखमा डा. विकास देवकोटालाई सरुवा गरिएको छ। नीति योजना तथा अनुगमन महाशाखामा डा. गुणराज लोहनीमा ल्याइएको छ।</p>
<p>शुक्रराज ट्रपिकल तथा सरुवा रोग अस्पतालका निर्देशक डा. बासुदेव पाण्डेलाई इपिडिमियोलोजी तथा रोग नियन्त्रण महाशाखा प्रमुखमा सरुवा गरिएको छ।</p>
<p>शुक्रराज अस्पतालमा राष्ट्रिय क्षयरोग केन्द्रका निर्देशक रहेका डा. सागरराज भण्डारीलाई ल्याइएको छ।</p>
<p>इपिडिमियोलोजी महाशाखाका निर्देशक डा. विवेककुमार लाललाई राष्ट्रिय क्षयरोग केन्द्रमा सरुवा गरिएको छ।</p>
<p>राष्ट्रिय एड्स तथा यौन रोग नियन्त्रण केन्द्रको निर्देशकमा डा. रमेश खरेलको सरुवा गरिएको छ।</p>
<p>राष्ट्रिय तालिम केन्द्रका मोहमद दाउदलाई किटजन्य रोग अनुसन्धान तथा तालिम केन्द्र हेटौंडामा सरुवा गरिएको छ।</p>
<p>कान्ति बाल अस्पतालका र्दिेशक डा. आरपी बिच्छाको पनि सरुवा भएको छ।</p>
प्रतिक्रिया दिनुहोस्
.jpg)
