१५ किलो नक्कली चाँदीसहित सुन व्यवसायी पक्राउ
<p>काठमाडौं। काठमाडौंको धुम्बाराहीबाट १५ किलो नक्कली चाँदीसहित एक सुन व्यवसायी पक्राउ परेका छन्। </p>
<p>महानगरीय प्रहरी वृत, महाराजगञ्जको टोलीले १६ असोज राति ललितपुर महालक्ष्मी नगरपालिका–११ इमाडोलस्थित तिलहरी ज्वेलर्सका सञ्चालक ३३ वर्षीय राज सापकोटालाई पक्राउ गरेको हो। </p>
<p>महाराजगञ्जका प्रहरी प्रमुख डीएसपी उमेश लम्सालले रातिको समयमा नक्कली चाँदी विक्रीको प्रयास गर्दै गर्दा पीडितहरुको उजुरीकाे आधारमा सापकोटालाई पक्राउ गरिएको बताए। </p>
<p>“पित्तल, फलाम, कपर लगायत मिसावट गरी बाहिर चाँदीको लेपन गरिएको रहेछ”, लम्सालले भने।</p>
<p>आफ्नै ज्वेलर्समा तयार गरेर साढे १० लाख बराबर बजार मुल्यको चाँदी ठगी गर्न खोजेको उनले बताएका छन्।</p>
<p>सापकोटालाई प्रहरीले हिरासतमा राखेर थप अनुसन्धान गरिरहेको छ। <br />
</p>
प्रतिक्रिया दिनुहोस्
.jpg)
