दक्षिण कोरियामा एकै दिन दोब्बरमा कोरोना भाइरसको संक्रमण
<p>काठमाडौं। दक्षिण कोरियामा एकै दिनमा दोब्बर मानिसमा कोरोनाभाइरस सङ्क्रमण पुष्टि भएको छ।</p>
<p>९ फागुनसम्म २०४ व्यक्तिमा उक्त भाइरसको संक्रमण देखिएको दक्षिण कोरियामा २२९ जना एकै दिनमा थपिएका अन्तर्राष्‍ट्रिय संचारमाध्यमहरूले उल्लेख गरेका छन्।</p>
<p>योसँगै 'कोभिड-१९' कोरोना भाइरसबाट संक्रमितको संख्या कूल ४३३ जना पुगेको छ।</p>
<p>कोरोनाभाइरस प्रकोप ‘गम्भीर अवस्थामा’ प्रवेश गरेको त्यहाँका स्वास्थ्य उपमन्त्री किम गाङ-लिपले बताएका छन्।</p>
<p>दक्षिण कोरियामा कोरोना भाइरसबाट दुईजनाको मृत्यु भइसकेको छ।</p>
<p>डाएगु र चेओङ्डोलाई 'विशेष निगरानीको क्षेत्र' घोषणा गरिएको छ । डाएगुका सडकमा मानिसको आवतजावत घटेको छ।</p>
<p>यसैबीच चीनसँग स्पष्ट सम्बन्ध नभएका स्थानमा पनि कोरोनाभाइरस कोरोना भाइरस संक्रमण बढ्दै जान थालेपछि विश्व स्वास्थ्य संगठनले चिन्ता जनाएको छ।</p>
<p>चीनभन्दा बाहिर कोरोनाबाट संक्रमितको संख्या तुलनात्मक रुपमा कम भए पनि चिन्ताको विषय रहेको डब्ल्यूएचओका प्रमुख टेड्रोस अदानोमले बताएका छन्।</p>
प्रतिक्रिया दिनुहोस्
.jpg)
