आज ग्याल्पो ल्होसार, बराह वर्ष सकिएर मुसा वर्ष शुरू
<p>काठमाडौं। आज ग्याल्पो ल्होसार। प्रत्येक वर्ष फागुन शुक्ल प्रतिपदाका दिन शेर्पा समुदायले विविध कार्यक्रम आयोजना गरेर सांस्कृतिक पर्व ग्याल्पो ल्होसार मनाउँछन्।</p>
<p>नयाँ वर्षका रूपमा शेर्पा समुदायले २१४७औँ ग्याल्पो ल्होसार मनाउन लागेका हुन्। मुसा, गाई, बाघ, खरायो, ड्रागन (मेघ), सर्प, घोडा, भेडा, बाँदर, चरा, कुकुर र बराह गरी १२ वर्गमा ग्याल्पो ल्होसारलाई विभाजन गरिएको छ।</p>
<p>बराह वर्ष पूरा भई आजदेखि मुसा वर्ष शुरू हुने शेर्पा जातिको संस्कृतिका खोजकर्ता टीका शेर्पाले बताए।</p>
<p>ग्याल्पो ल्होसार फागुन शुक्ल प्रतिपदादेखि पूर्णिमासम्म मनाइन्छ।</p>
<p>ग्याल्पो ल्होसार भोटका नवौँ राजा उदे गुङ्ग्यालका पालादेखि वसन्त पर्वका नामले मनाउन शुरू गरिएको हो। समयक्रममा ग्याल्पो ल्होसार नामकरण भएको हो। </p>
<p>विगतमा हिमाली क्षेत्रका १२ जिल्लामा मनाइने ग्याल्पो ल्होसार हाल २२ जिल्लामा मनाइन्छ। शेर्पा जातिको बसाइसराइसँगै यो पर्व मनाउने जिल्ला बढेको हो। <em>रासस</em></p>
<p> </p>
प्रतिक्रिया दिनुहोस्
.jpg)
