भोजपुर-तराई जोड्ने छोटो सडकको कावा खोलामा पक्की पुल निर्माण शुरू
<p>भोजपुर। भोजपुरलाई दक्षिणी क्षेत्र हुँदै तराईसँग जोड्ने सबैभन्दा छोटो सडकमा पर्ने कावा खोलामा मोटरेबल पुलको निर्माण कार्य शुरू गरिएको छ।</p>
<p>भोजपुर-मानेभज्याङ-रानीबास-घोडेटार सडक खण्डमा पर्ने सो पुलको जिल्ला समन्वय समितिका प्रमुख लक्ष्मण खड्का, रामप्रसादराई गाउँपाालिकाका प्रमुख विजय राई र हतुवागढी गाउँपाालिकाका प्रमुख प्रेमकुमार राईले संयुक्त रूपमा शिलान्यास गरे।</p>
<p>पुल निर्माणमा स्वीस सरकारले करीब पाँच करोड अनुदान सहयोग गरेको छ। आउँदो असार मसान्तसम्म निर्माण सम्पन्‍न गर्ने लक्ष्य रहेको पुल ४५ मिटर लम्वाई र छ मिटर चौडाईको हुनेछ।</p>
<p>पुलको सिभिलसम्बन्धी निर्माण कार्यका लागि कार्की वन्धु कन्सट्रक्सन कम्पनी विराटनगरसँग दुई करोड तीन लाख २४ हजार ३७१ रूपैयाको सम्झौता गरिएको छ।</p>
<p>ट्रस जडानको कामको लागि छुट्टै कम्पनीसँग सम्झौताको तयारी भइरहेको पूर्वाधार विकास कार्यालय भोजपुरका प्रमुख राजनराज रेड्‍डीले जानकारी दिए।</p>
<p>केवल सपोर्टेड ट्रस, ओपन फाउन्डेसनको एक स्पानमा बन्ने पुलको दुवै पट्टी पक्की पिलर निर्माण गरिएपछि ट्रस जडान गरिनेछ। </p>
<p>निर्माण कम्पनीका अनुसार पुलको डिजाइन अवधी ८० वर्ष रहेको र भूकम्प प्रतिरोधी बन्ने छ।</p>
<p>यस सडकलाई भोजपुरको उत्तर-दक्षिण जोड्दै संखुवासभाको किमाथांकासम्म कालोपत्रे गर्ने गर्ने प्रदेश १ सरकारको योजना छ। </p>
प्रतिक्रिया दिनुहोस्
.jpg)
