अमेरिकी राष्ट्रपति ट्रम्प दुई दिने भारत भ्रमणमा आउँदै
<p>काठमाण्डौं। अमेरिकी राष्ट्रपति डोनाल्ड ट्रम्प दुई दिने भ्रमणका लागि आज भारत आउँदै छन्।</p>
<p>पहिलो पटक भारत आउन लागेका ट्रम्प बिहान ११ बजेर ४० मिनेटमा नयाँदिल्ली पुग्ने कार्यक्रम छ।</p>
<p>भ्रमणमा निस्कनुअघि ट्रम्पले भने, “भारतीय प्रधानमन्त्री मोदी मेरा मित्र हुन्, उनी शानदार व्यक्ति पनि छन्, भारत जानलाई म आतुर छु।”</p>
<p>अमेरिकी राष्‍ट्रपति ट्रम्प र प्रधानमन्त्री नरेन्द्र मोदी आजै मोदीको गृहनगर गुजरात जानेछन्।</p>
<p>अहमदावादको सबैभन्दा ठूलो क्रिकेट रंगशालामा मोटेरा स्टेडियममा हुने 'नमस्ते ट्रम्प' कार्यक्रममा ट्रम्प सहभागी हुने कार्यक्रम छ।</p>
<p>ट्रम्प-मोदीबीच व्यापार सम्झौतामा हस्ताक्षर हुनसक्ने भारतीय सञ्चारमाध्यमहरूले जनाएका छन्।</p>
<p>ट्रम्पले पनि डिल राम्रो भएमा भारतसँग व्यापारीक सम्झौता हुनसक्ने बताएका थिए।</p>
<p>ट्रम्पको यो भ्रमणले दुई देशबीचको रणनीतिक साझेदारीलाई थप सुदृढ बनाउने विश्वास गरिएको छ।</p>
<p>करीब ७० लाख मानिसले सडकमा ट्रम्पको स्वागत गर्ने भारतको विदेश मन्त्रालयले जनाएको छ।</p>
<p>यसअघि पछिल्लो पटक तत्कालीन अमेरिकी राष्ट्रपति बाराक ओबामाले २५-२७ जनवरीमा भारत भ्रमण गरेका थिए।</p>
प्रतिक्रिया दिनुहोस्
.jpg)
