नेकपा सचिवालय बैठक बस्दै, अजेण्डाका लागि ओली-दाहाल छलफल जारी
<p>काठमाडौं। सत्तारुढ नेपाल कम्युनिष्‍ट पार्टी (नेकपा) सचिवालय बैठक केही बेरमा बस्‍ने भएको छ।</p>
<p>पूर्वनिर्धारित कार्यतालिका अनुसार प्रधानमन्त्री निवास बालुवाटरमा ११ बजेबाट बैठक शुरू हुने नेकपाका महासचिव विष्‍णु पौडेलले <em>देखापढी</em>लाई बताए।</p>
<p>बैठकमा प्रस्तुत हुने अजेण्डाको भने तय भइनसकेको उनले जानकारी दिए।</p>
<p>अहिले प्रधानमन्त्री एवं नेकपा अध्यक्ष केपी शर्मा ओली र अर्का अध्यक्ष पुष्पकमल दाहालबीच बालुवाटारमा छलफल भइरहेको छ।</p>
<p>अध्यक्षद्वयको छलफलश्‍चात आएको निचोडले सचिवालय बैठकमा प्रवेश पाउने प्रधानमन्त्री निकट स्रोतले बताएको छ।</p>
<p>"उहाँहरूले केही भन्‍नुभाको छैन। त्यसैले सचिवालयको अजेण्डाबारे अहिले भन्‍न सक्दिन", महासचिवल पौडेलले भने।</p>
<p>दुई अध्यक्षबीच संविधान संशोधनका लागि नेता माधवकुमार नेपालको नेतृत्वमा बनाइएको कार्यदल, निवर्तमान सञ्चारमन्त्री गोकुल बाँस्कोटाको अडिओ प्रकरणपछि नेकपामाथि भइरहेको आलोचना र त्यसको रक्षाको लागि पार्टीले तय गर्ने रणनितिको बारेमा कुराकानी भएको बताइएको छ।</p>
<p>स्रोतका अनुसार एमसीसीबारे कार्यदलको सुझाव र भावी कदमबारे पनि अध्यक्षद्वयबीच छलफल भइरहेको छ।</p>
प्रतिक्रिया दिनुहोस्
.jpg)
