नेपाल उद्योग वाणिज्य महासंघको वरिष्ठ उपाध्यक्षमा ढकालको उम्मेद्वारी घोषणा
<p>काठमाडौं। चन्द्रप्रसाद ढकालले नेपाल उद्योग वाणिज्य महासंघको वरिष्ठ उपाध्यक्षमा उम्मेद्‌वारी घोषण गरेका छन्। ढकालले आज पत्रकार सम्मेलन गरी महासंघको वरिष्ठ उपाध्यक्षमा उम्मेद्‌वारी घोषणा गरेका हुन्। </p>
<p>यसअघि मंसिरमा बागलुङ महोत्सवमा उनले वरिष्ठ उपाध्यक्षमा उम्मेद्‌वारी दिने बताइसकेका थिए। महासंघमा आन्तरिक राजनीतिक खिचातानी चलिरहँदा आफू पछि नहट्ने संकेत गर्दै उनले उम्मेद्‌वारी घोषणा गरेका हुन्।</p>
<p>सरकार र निजी क्षेत्रलाई मिलाएर लाने बताएका ढकालले आफू विजयी भएमा उद्योगी-व्यवसायीको समस्या समाधान गर्ने काममा लागिपर्ने बताए। </p>
<p>नेपाल-इन्डोनेसिया चेम्बर ओफ कमर्सका अध्यक्ष समेत रहेका ढकाल महत्त्वपूर्ण व्यावसायिक व्यक्ति (सीआईपी) बाट २ पटक सम्मानित भएका छन्।</p>
<p>महासंघको ५४ औं वार्षिक साधारण सभा (निर्वाचन) आउँदो २८ र २९ चैतमा हुँदै छ ।</p>
<p>‘समृद्धिको आधार, राज्य निजी क्षेत्रको साझेदार’ भन्ने नारासहित ढकाल चुनावी मैदानमा उत्रिँदैछन्। ढकालको उम्मेद्‌वारी घोषणा कार्यक्रममा उमेशलाल श्रेष्ठ, शशिकान्त अग्रवाल, चन्डिराज ढकाल, प्रबलजङ्ग पाण्डेलगायत उपस्थित थिए।</p>
<p>आईएमई ग्रुपका अध्यक्ष ढकालको चन्द्रागिरी हिल्स, आईएमई बैंक, हाइड्रोपावरलगायतमा लगानी छ। </p>
प्रतिक्रिया दिनुहोस्
.jpg)
