‘बामदेव मोह’ ले नेकपामा विवाद
<p>काठमाडौं। उपाध्यक्ष वामदेव गौतमलाई राष्ट्रिय सभा सदस्यमा मनोनयन गर्ने सचिवालयको निर्णयसँगै सत्तारुढ नेकपामा विवाद बढेको छ।</p>
<p>अध्यक्ष एवं प्रधानमन्त्री केपी शर्मा ओली यसमा असन्तुष्ट देखिएका छन्।</p>
<p>प्रधानमन्त्री ओली २० फागुनमा खाली हुने एउटा कोटामा जसरी पनि अर्थमन्त्री युवराज खतिवडालाई निरन्तरता दिने अडानमा रहेको आजको अन्नपूर्ण पोष्टमा समाचार छ।</p>
<p>सचिवालयको १४ फागुनको बैठकले राष्ट्रिय सभा सदस्यमा उपाध्यक्ष गौतमलाई पठाउन सरकारलाई सिफारिस गर्ने सर्वसम्मत निर्णय गरेको नेताहरूले बताएका थिए।</p>
<p>सचिवालयले यो निर्णय गर्दा ओली भने मौन थिए।</p>
<p>बहुमत सचिवालय सदस्यले आफूलाई घेराबन्दीमा पार्न अन्यत्रै भेला/बैठक बसेर निर्णय गरी ल्याउने र पार्टी बैठकमा सुनाएर निर्णय गराउन खोज्ने प्रवृत्ति देखिन थालेको भन्दै उनले असनतुष्टि पोखेका थिए।</p>
<p>बैकमा उपाध्यक्ष गौतमलाई राष्ट्रिय सभा सदस्यमा मनोनित गरेर लैजान अध्यक्ष पुष्पकमल दाहालले प्रस्ताव गरेका थिए।</p>
<p>त्यसपछि ओलीले भनेका थिए, ‘म आज अलिकति बोल्छु। तपाईँहरूले कहाँ के-के गरिरहनुभएको छ, मलाई सम्पूर्ण जानकारी छ। मेरा विरुद्धका गतिविधिबारे म जानकार छु। तर, ती सबै प्रक्रिया सामना गरेर जान्छु। तपाईँहरूको निर्णय सुनाउनुहोस्।’</p>
प्रतिक्रिया दिनुहोस्
.jpg)
