चीनसँग जोडिएका नाका खुल्न अझै समय लाग्ने
<p>काठमाडौं। कोरोना भाइरस संक्रमणको कारण एक महीनादेखि बन्द रहेको चीनसँग जोडिएका मूख्य उत्तरी नाका खुल्न अझै केही समय लाग्ने भएको छ।</p>
<p>चीनमा कोरोना भाइरस संक्रमण पूर्णरूपमा नियन्त्रणमा आइनसकेकाले स्वास्थ्य संवेदनशीलतालाई ध्यानमा राख्दै मुख्य नाका खोल्न हतार नगरिने सरकारी अधिकारीहरूले बताएका छन्।</p>
<p>नेपाल–चीन व्यापारका दुई मुख्य नाकाहरू रसुवागढी र सिन्धुपाल्चोकको तातोपानी १५ माघयता पूर्णरूपमा बन्द छन्।</p>
<p>दुई मुख्य नाकाहरू बन्द हुँदा नेपाली व्यापारीका पाँच सयभन्दा बढी कन्टेनर चीनको केरुङ र खासामा रोकिएका छन्।</p>
<p>ती कन्टेनरमा तीन अर्ब रूपैयाँभन्दा बढीका वस्तु तथा सामग्री रहेको व्यापारीहरूको भनाइ छ।</p>
<p>उत्तरी नाका खुलाउने/नखुलाउने बारेमा यो साता अर्थ, गृह, स्वास्थ्य र वाणिज्य सचिवहरूको बैठक बसेको थियो।</p>
<p>चीनबाट आउने मानिसको स्वास्थ्य परीक्षणको व्यवस्था नाकामै गर्न उपकरण पर्याप्त भइनसकेकाले तत्कालनाका खोलिहाल्ने अवस्था नरहेको अर्थ मन्त्रालयका सहसचिव उत्तरकुमार खत्रीले बताए।</p>
<p>आजको आर्थिक अभियान दैनिकका अनुसार नाका सुचारु गर्ने भन्दा पनि मुलुकको स्वास्थ्य सुरक्षालाई सरकारले तत्कालको प्राथमिकतामा राखेको छ।</p>
प्रतिक्रिया दिनुहोस्
.jpg)
