काेराेना संक्रमण फैलिएकाे जापानी जहाजबाट भारतले गर्याे नेपालीकाे पनि उद्धार
<p>काठमाडाैं। जापानी समुद्रमा रहेको कोरोना भाइरस संक्रमित पानी जहाज ‘डायमन्ड प्रिन्सेस क्रुज’ बाट भारतले १२४ जना व्यक्तिसहित एक जना नेपालीको पनि उद्धार गरेको छ।</p>
<p>भारतीय विदेशमन्त्री एस जयशंकरले आज बिहान ट्वीट गर्दै ११९ जना भारतीयसहित पाँच जना अन्य देशका नागरिकको पनि उद्धार गरिएको जनाएका छन्। </p>
<p>विदेशमन्त्री जयशंकरका अनुसार भारतीयबाहेक नेपाल, श्रीलंका, दक्षिण अफ्रिका र पेरुका पाँच जना नागरिकको उद्धार गरिएको हो। त्यसमध्ये एक जना नेपाली हुन्। </p>
<p style="text-align:center"><img alt="" height="409" src="https://www.dekhapadhi.com/storage/photos/shares/International/S jaya sankar.JPG" width="679" /></p>
<p>एअर इन्डियाको विमान १२४ यात्रु बोकेर आजबिहान दिल्लीस्थित इन्दिरा गान्धी विमानस्थलमा अवतरण गरेको थियो। </p>
<p>डायमन्ड प्रिन्सेस क्रुज’मा सवार यात्रुमा ४ फेब्रुअरीमा पहिलोपटक कोरोना भाइरसको संक्रमण देखिएको थियो। शुरूमा १० जनामा देखिएको यस्तो संक्रमण पछि बढेको थियो।</p>
<p>विश्व स्वास्थ्य संगठनले १४ फागुनमा सार्वजनिक गरेको कोरोना भाइरसको संक्रमणसम्बन्धी ‘स्थिति प्रतिवेदन’ अनुसार उक्त पानी जहाजमा सवारमध्ये ६९१ जना संक्रमित भएका छन्। पानीजहाजमै रहेकामध्ये तीन जनाको मृत्यु भइसकेको छ।<br />
</p>
प्रतिक्रिया दिनुहोस्
.jpg)
