राष्ट्रिय सहमतिविना संविधान संशोधन सम्भव छैनः देव गुरुङ
<p>काठमाडौं। सत्तारुढ दल नेपाल कम्युनिष्ट पार्टी (नेकपा) का प्रमुख सचेतक देव गुरुङले संविधान संशोधनको आवश्यकता भए पनि त्यो राष्ट्रिय सहमतिविना सम्भव नभएको बताएका छन्। </p>
<p>संवाद डबलीमा भएको साक्षात्कारमा गुरुङले संविधान सम्झौताको दस्तावेज भएकोले राष्ट्रिय सहमति जुटेको खण्डमा मात्र संशोधन गर्न सकिने बताए। </p>
<p>संविधान संशोधनका लागि नेकपा सचिवालयले कार्यदल नै गठन गरेको थियो ।</p>
<p>तर, राष्ट्रिय सभा सदस्य पनि प्रधानमन्त्री बन्न पाउने गरी संशोधन गर्न खोजिएको भन्दै पार्टीभित्र र बाहिरबाट विरोध भएपछि १४ फागुनको नेकपा सचिवालय बैठकले कार्यदल क्रियाशील नहुने निर्णय गरेको थियो।</p>
<p>अमेरिकी सहयोग परियोजना मिलेनियम च्याजेञ्ज कर्पोरेशन (एमसीसी) का विषयमा कार्यदलको सुझावअनुसार नै सचिवालयले निर्णय गर्ने नेता गुरुङले बताए।</p>
<p>“राष्ट्रिय हित अनुकुल बनाएर एमसीसी सम्झौता सचिवालयबाट पारित हुनेमा म विश्वस्त छु”, उनले भने।</p>
प्रतिक्रिया दिनुहोस्
.jpg)
