भोजपुर अस्पतालमा सात महीनापछि आकस्मिक प्रसूति सेवा शुरू
<p>भोजपुर। चिकित्सक अभावमा बन्द भएको भोजपुर अस्पतालको आकस्मिक प्रसूति सेवा सात महीनापछि शुरू भएको छ।</p>
<p>विशेषज्ञ चिकित्सकसहित उपकरणहरूको व्यवस्थापन गरिएसँगै शल्यक्रियाबाट प्रसूति गराउन शुरू भएको भोजपुर अस्पतालकी डा. पवित्रा श्रेष्ठले जानकारी दिइन्।</p>
<p>शल्यक्रियाबाट प्रसूती सेवा दिन एमडीजीपी डा. अमितेशराज पाण्डेलाई ल्याइएको छ। </p>
<p>अस्पताल व्यवस्थापन समिती, प्रदेश १ सामाजिक बिकास मन्त्रालय विराटनगरलगायत सरोकारवालाको प्रयासबाट बन्द सेवा शुरू भएको श्रेष्ठले बताइन्।</p>
<p>आकस्मिक प्रसूति सेवा बन्द भएसँगै गर्भवती महिलाहरु नियमित स्वास्थ्य जाँच तथा सुत्केरी गराउन धरान, विराटनगर र काठमाडौं धाउनुपर्ने वाध्यता थियो।</p>
<p>कच्ची सडक र हवाई उडान नियमित नहुँदा उनीहरूले सास्ती भोगिरहेका थिए।</p>
प्रतिक्रिया दिनुहोस्
.jpg)
