गालीबेइज्जती गरेको भन्दै गोकुल बाँस्कोटा पुगे अदालत
<p>काठमाडौं। पूर्वसञ्चारमन्त्री गोकुलप्रसाद बाँस्कोटाले आफ्नो गालीबेइज्जती गरेको भन्दै काठमाडौं जिल्ला अदालतमा निवेदन दिएका छन्। </p>
<p>७० करोड रूपैयाँ कमिसन मागेको आरोप लागेपछि मन्त्रीबाट राजीनामा दिएका बाँस्कोटाले आज अदालतमा निवेदन दिएका हुन्। </p>
<p>सेक्युरिटी प्रिन्टिङ प्रेस खरीद सम्बन्धमा कमिसनमा माेलमाेलाइ गरेकाे अडिओ बाहिरिएपछि बाँस्कोटाले ८ फागुनमा सञ्चार तथा सूचना प्रविधिमन्त्रीबाट <a href="https://www.dekhapadhi.com/news/7135" target="_blank"><span style="color:#c0392b;">राजीनामा</span></a> दिएका थिए। </p>
<p>बाँस्कोटाले अडिओ सार्वजनिक गराउने सेक्युरिटी प्रिन्टिङ प्रेस खरीदका लागि स्वीस कम्पनीका एजेन्ट विजय मिश्रविरुद्ध मुद्दा दायर गरेका हुन्। </p>
<p>“मविरुद्ध लगाइएको झुठा लाञ्छना र गालीबेइज्जतीको विरुद्धमा मैले आज न्याय माग गर्दै अदालतमा मुद्दा दायर गरेको जानकारी गराउँछु”, बाँस्कोटाले आफ्नो ट्विटरमा भनेका छन्।</p>
<p><strong>पढ्नुहोस्</strong></p>
<p><strong><a href="https://dekhapadhi.com/news/7123" target="_blank">राजनीतिक रङ दिएर अफवाह फैलाउनुको अर्थ छैन : मन्त्री बाँस्कोटा</a></strong></p>
प्रतिक्रिया दिनुहोस्
.jpg)
