विशिष्ट कक्ष प्रयाेग गर्न नपाएपछि भीम रावल असन्तुष्ट (भिडिओसहित)
<p>कैलाली। काठमाडौंबाट धनगढी पुगेका नेपाल कम्युनिष्ट पार्टी (नेकपा)का नेता भीम रावलले विमानस्थलको विशिष्ट कक्ष प्रयोग गर्न नपाएपछि असन्तुष्टि व्यक्त गरेका छन्।</p>
<p>आज बिहान काठमाडौंबाट श्रीएअरको विमानबाट सवा ९ मा धनगढी पुगेका नेकपाका स्थायी कमिटी सदस्य तथा सुदूरपश्चिम प्रदेश इन्चार्ज रावलले पत्रकार सम्मेलन गरेर असन्तुष्टि व्यक्त गरे।</p>
<p>उनले विशिष्ट कक्ष प्रयोग गर्न नपाएपछि ट्रली बोक्ने बाटोबाट विमानस्थलबाट बाहिर निस्कनु परेको गुनासो गरे। “मलाई भीआईपी कक्षमा जान राेकियाे”, उनले भने, “ममाथि त्यस्तो व्यवहार किन गरियाे, म आश्चर्य लागेकाे छ।”</p>
<p>धनगढीबाट राष्ट्रपति विद्यादेवी भण्डारीको काठमाडौं फर्कने कार्य सूची थियो। राष्ट्रपति काठमाडौं फर्कनका लागि विमानस्थल जाँदै थिइन्। सोही कारण विशिष्ट कक्षमा सुरक्षा व्यवस्था कडाइ गरिएको थियो।</p>
<p>तर, निर्धारित कार्यक्रमअनुसार आफू धनगढी आउने पार्टीका नेताकार्यकर्तालाई जानकारी भए पनि आफूलाई पार्टीले राष्ट्रपतिको कार्यक्रमबारे कुनै जानकारी नगराएको नेता रावलकाे भनाइ छ।</p>
<p><iframe frameborder="0" height="550" scrolling="no" src="https://www.youtube.com/embed/dyJN7_Yag5Y" width="750"></iframe></p>
प्रतिक्रिया दिनुहोस्
.jpg)
