सुनमा डलरकाे प्रभाव, प्रतितोला १२ सय घट्यो
<p>काठमाडौं। प्रतितोला ८० हजार रूपैयाँ नाघेको सुनको मूल्य आज भने एक तोलामै १२ सय रुपैयाँ घटेको छ।</p>
<p>नेपाल सुन चाँदी व्यवसायी संघले आजको लागि सुनको मूल्य प्रतितोला ७८ हजार रूपैयाँ तोकेको छ।</p>
<p>१६ फागुन (शुक्रबार) सुनको मूल्य प्रतितोला ७९ हजार २ सय रुपैयाँ तोकिएको थियो। केही सातादेखि निरन्तर उकालो लागेको सुनको मूल्य शुक्रबारबाट भने घट्न थालेको हो। डलरको मूल्य बढ्न थालेपछि त्यसको असर सुनको मूल्यमा परेको छ।</p>
<p>कोरोना भाइरस संक्रमणका कारण विश्वभरको अर्थतन्त्र प्रभावित हुँदा लगानीकर्ताले सुनमा लगानी बढाउँदा मूल्य आकाशिएको थियो।</p>
<p> <br />
त्यसैगरी, चाँदीको भाउ पनि तोलामा २० रुपैयाँले घटेर ८ सय ६० रुपैयाँमा आइपुगेको छ। १६ फागुनमा चाँदी तोलाको ८ सय ८० रुपैयाँमा कारोबार भएको थियो।</p>
प्रतिक्रिया दिनुहोस्
.jpg)
