नवनियुक्त भारतीय राजदूत विनयमोहन काठमाडौंमा
<p>काठमाडौं। नेपालका लागि नवनियुक्त भारतीय राजदूत विनयमोहन क्‍वात्रा पदभार सम्हाल्न आज नेपाल आएका छन्।</p>
<p>यसअघि फ्रान्सका लागि भारतीय राजदूत रहेका उनी आफ्नो पदभार सम्हाल्न आज दिउँसो ११ बजे काठमाडौं आइपुगेका हुन्। क्‍वात्राले संयुक्त राष्ट्र संघ, अमेरिका र चीनमा पनि भारतीय परराष्ट्र सेवा अन्तर्गत रहेर काम गरेका छन्।</p>
<p>उनी भारतीय विदेश सेवामा ३० वर्षदेखि निरन्तर सक्रिय छन् । फ्रान्सबाट फर्केलगत्तै क्‍वात्रालाई भारतीय प्रधानमन्त्री नरेन्द्र मोदीले नेपालका लागि भारतीय राजदूत नियुक्त गरेका थिए।</p>
<p>यसअघिका भारतीय राजदुत मञ्जिवसिंह पुरीले आफ्नो दुई वर्षे कार्यकाल सकेर भारत फर्किसकेका छन्।</p>
प्रतिक्रिया दिनुहोस्
.jpg)
