भोलि अस्पताल भर्ना हुन लागेका प्रधानमन्त्रीले आज ५ बजे बोलाए मन्त्रिपरिषद् बैठक
<p>काठमाडौं। प्रधानमन्त्री केपी शर्मा ओलीले आज बेलुकी मन्त्रिपरिषद्को बैठक बोलाएका छन्।</p>
<p>मिर्गौला पुनः प्रत्यारोपण गर्न भोलि, १९ फागुनमा अस्पताल भर्ना हुन लागेका प्रधानमन्त्री ओलीले नियमित रूपमा सोमबार बस्दै आएको मन्त्रिपरिषद् बैठक आजै बोलाएका हुन्।</p>
<p>प्रधानमन्त्रीका प्रेस सल्लाहकार सूर्य थापाले बैठक पाँच बजे बस्न लागेको <em>देखापढी</em>लाई बताए।</p>
<p>प्रधानमन्त्री ओली मिर्गौला प्रत्यारोपणका लागि भोलि त्रिभुवन विश्वविद्यालय शिक्षण अस्पताल महाराजगञ्जमा भर्ना हुँदैछन्। २१ फागुनमा उनको मिर्गौला प्रत्यारोपण गर्ने टुंगो लागेको छ।</p>
<p>आज बसेको सत्तारुढ नेपाल कम्युनिष्ट पार्टी (नेकपा)को केन्द्रीय सचिवालय बैठकमा नेकपा अध्यक्षसमेत रहेका ओलीले आफू मिर्गौला प्रत्यारोपणका लागि अस्पताल भर्ना हुन लागेको जानकारी गराएका थिए।</p>
<p>प्रधानमन्त्री ओलीले १२ वर्षअघि, २०६४ साउनमा भारतको गुडगावँस्थित मेदान्ता अस्पतालमा मिर्गौला प्रत्यारोपण गरेका थिए। </p>
<p>तर, गत कात्तिकदेखि मिर्गौलामा समस्या देखिएपछि प्रधानमन्त्री ओलीले नियमित डायलासिस गर्दै आएका छन्।</p>
<p><strong>पढ्नुहोस्</strong></p>
<p><strong><a href="https://www.dekhapadhi.com/news/7694" target="_blank">प्रधानमन्त्री ओलीले २१ फागुनमा त्रिवि शिक्षण अस्पतालमा मिर्गौला प्रत्यारोपण गर्ने</a></strong></p>
प्रतिक्रिया दिनुहोस्
.jpg)
