करेक्सनमा आयो शेयर बजार, नाफा सुरक्षित गर्नेहरु हाबी हुँदा अहिलेसम्मकै उच्च कारोबार
<p>काठमाडौं। साताको पहिलो दिन शेयर बजारमा ४१ अंकले गिरावट आएको छ भने कारोबार अहिलेसम्मको सबैभन्दा उच्च रहेको छ।</p>
<p>धितोपत्र बजारमा आज चार अर्ब ८४ करोड ७४ लाख ३७ हजार ५०५ रूपैयाँको शेयर कारोबार भयो।</p>
<p>नाफा सुरक्षित गर्नेहरू बढेका कारण शेयर बजारमा कारोबारको आकार पनि बढेको हो। </p>
<p>आज नेप्से परिसूचक ४०.८२ अंकले घटेर १५९१.३६ विन्दुमा झरेको छ। १८३ कम्पनीको एक करोड २५ लाख १७ हजार २१७ कित्ता शेयर किनबेच भएको छ। </p>
<p>सबैभन्दा धेरै एनएमबि बैंकको २६ करोड ६३ लाख बराबरको शेयर किनबेच भएको भने ग्लोबल आइएमई बैंकको पनि २५ करोड ८५ लाख बराबरको कारोबार भएको छ। आज ४ कम्पनीको मात्रै एक अर्ब बढीको शेयर किनबेच भएको थियो।</p>
<p>आजको कारोबारमा सबैभन्दा धेरै मितेरी डेभलपमेन्ट र मन्जुश्री फाइनान्सको करीब दश प्रतिशतले शेयर मूल्य बढेको छ। सबैभन्दा धेरै बोटलर्स नेपाल तराईको शेयर मूल्य घटेको छ।</p>
प्रतिक्रिया दिनुहोस्
.jpg)
