उपत्यकासँग जोडिएका जिल्लामा १० नयाँ शहर
<p>काठमाडौं। सरकारले काठमाडौं उपत्यका नजिककका जिल्लाहरूमा १० नयाँ शहर निर्माण गर्ने तयारी गरेको छ।</p>
<p>शहरी विकास मन्त्रालयले काठमाडौं उपत्यकाको जनघनत्व कम गर्न भन्दै ती ठाउँहरूमा नयाँ शहर निर्माण थालनी गर्नका लागि छलफल अगाडि बढाएको जनाएको छ।</p>
<p>शहरी विकास राज्यमन्त्री रामवीर मानन्धरले काठमाडौं उपत्यकालाई जोड्दै व्यवस्थित शहरीकरण गर्ने वृहत् लक्ष्य राखेको जानकारी दिए।</p>
<p>उनले भने, “बाहिरी चक्रपथमा रहने गरी नयाँ शहर निर्माणका लागि जनप्रतिनिधिसँग छलफल अगाडि बढेको छ।”</p>
<p>मन्त्री मानन्धरले योजना बनेको १९ वर्षसम्म पनि निर्माण कार्यको टुंगो लाग्न नसकेको बाहिरी चक्रपथमा सरकारले फेरि नयाँ योजना ल्याएको बताएका छन्।</p>
<p>कारबार दैनिकका अनुसार वृहत्तर राजधानी अवधारणामा रहेर काठमाडौं नजिक वैकल्पिक शहर निर्माणको लागि प्रस्तावित टोखा–छहरे सुरुङ मार्गसँगै छहरेदेखि नुवाकोटको थानसिंह, ढिकुरे, गँगटे हुँदै देवीघाट, रातमाटे हुँदै गल्छीसम्म र थानकोट–नौविसे निर्माणाधीन सुरुङमार्गको नौविसेदेखि गल्छीसम्मको भूभागमा सुविसम्पन्न नयाँ शहर निर्माणको प्रक्रिया अगाडि बढाइएको छ।</p>
प्रतिक्रिया दिनुहोस्
.jpg)
