विराटनगरमा म्याद गुज्रेका औषधि बरामद
<p>विराटनगर। विराटनगरका औषधि पसलबाट बिक्रीका लागि राखिएका म्याद गुज्रेका औषधि बरामद गरिएको छ।</p>
<p>औषधि व्यवस्था विभागले सर्वसाधारणको स्वास्थ्यमा खेलवाड गरेर बिक्रीका लागि राखिएका ती औषधि बरामद गरेको हो।</p>
<p>विराटनगर महानगरपालिका-९ न्यूरो हस्पिटल अगाडि सञ्चालित फ्रेन्डसिप फार्मेसीबाट म्याद गुज्रेका विभिन्न १५ प्रकारका १३९ परिमाणको औषधि फेला पारेको विभागका निमित्त कार्यालय प्रमुख दीपेन्द्र खड्काले जानकारी दिए।</p>
<p>यस्तै आँगन फार्मेसीका संचालक जयकुमार पुलामी मगरलाई नियन्त्रणमा लिइएको छ।</p>
<p>प्राविधिक नराखी औषधि बिक्री वितरण गरेको आरोपमा मगरलाई नियन्त्रणमा लिइएको विभागले जनाएको छ। <em>रासस</em></p>
प्रतिक्रिया दिनुहोस्
.jpg)
