प्रधानमन्त्री ओलीलाई मोदीको सन्देश- 'पशुपतिनाथले दीर्घ जीवनको आशिष दिऊन्'
<p>काठमाडौं। भारतीय प्रधानमन्त्री नरेन्द्र मोदीले प्रधानमन्त्री केपी शर्मा ओलीको स्वास्थ्यलाभको कामना गरेका छन्।</p>
<p>दोस्रो पटक मिर्गौला प्रत्यारोपण गर्न लागेका प्रधानमन्त्री ओलीलाई भारतीय समकक्षी मोदीले <a href="https://twitter.com/narendramodi/status/1234333491724111873" target="_blank">ट्वीट</a>मार्फत स्वास्थ्यलाभको कामना गरेका हुन्।</p>
<p><img alt="" height="172" src="https://www.dekhapadhi.com/storage/photos/shares/Politics/modi tweet about oli health.jpg" style="float:left" width="375" /></p>
<p>"भगवान पशुपतिनाथले तपाईँलाई सँधै राम्रो स्वास्थ्य, खुसी र दीर्घ जीवनको आशिष दिऊन्", मोदीको स्वास्थ्यलाभको सन्देशमा भनिएको छ।</p>
<p>भारतीय प्रधानमन्त्रीले भारत-नेपाल सम्बन्धलाई नयाँ उचाईमा पुर्‍याउन प्रधानमन्त्री ओलीबाट निरन्तर योगदान भइरहेको हेर्न चाहेको बताएका छन्।</p>
<p>२१ फागुनमा मिर्गौला प्रत्यारोपणका लागि प्रधानमन्त्री ओली आज महाराजगंजस्थित त्रिवि शिक्षण अस्पतालमा भर्ना हुँदैछन्।</p>
<p>प्रधानमन्त्री ओलीले मिर्गौला प्रत्यारोपणका लागि देशकै सरकारी अस्पताललाई रोजेका छन्। </p>
<p>प्रधानमन्त्री ओलीको १२ वर्षअघि, २०६४ साल साउनमा भारतको गुडगावँस्थित मेदान्ता अस्पतालमा मिर्गौला प्रत्यारोपण गरिएको थियो।</p>
<p>तर, गत कात्तिकदेखि मिर्गौलामा समस्या देखिएपछि उनले नियमित डायलासिस गर्दै आएका छन्।</p>
प्रतिक्रिया दिनुहोस्
.jpg)
