अस्पताल जानुअघि प्रधानमन्त्रीले भिडिओ सन्देशमार्फत् सम्बोधन गर्ने
<p>काठमाडौं। प्रधानमन्त्री केपी शर्मा ओलीले आज दिउँसो भिडिओ सन्देशमार्फत् सम्बोधन गर्ने भएका छन्।</p>
<p>दोस्रोपटक मिर्गौला प्रत्यारोपणका लागि त्रिभुवन विश्वविद्यालय शिक्षण अस्पताल महाराजगञ्जमा भर्ना हुन लागेका प्रधानमन्त्री ओलीले त्यसअघि भिडिओ सन्देश दिन लागेका हुन्।</p>
<p>प्रधानमन्त्री ओली आजै त्रिवि शिक्षण अस्पताल भर्ना हुँदैछन्। उनको पर्सि, २१ फागुनमा मिर्गौला प्रत्यारोपण गर्ने टुंगो लागेको छ।</p>
<p>प्रधानमन्त्री ओलीले आफ्नो उपचार र दोस्रो पटक हुनलागेको मिर्गौला प्रत्यारोपणबारे भिडिओ सन्देशमार्फत् जानकारी गराउने उनको सचिवालय स्रोतले जानकारी दिएको छ।</p>
<p>त्यसैगरी उनले आफू अस्पतालमा रहँदा सरकारले गर्नुपर्ने निर्णय र कार्यसञ्चालनको प्रक्रिया पनि प्रष्ट्याउने बताइएको छ।</p>
<p>दुवै मिर्गौलामा समस्या भएपछि प्रधानमन्त्री ओलीले १२ बर्षअघि मिर्गौला प्रत्यारोपण गरेका थिए।</p>
<p>गत कात्तिकमा मिर्गौलामा पुनः समस्या देखिएपछि प्रधानमन्त्री ओलीले नियमित डायलासिस गराउँदै आएका छन्।</p>
प्रतिक्रिया दिनुहोस्
.jpg)
