समीक्षाले दिने भइन् प्रधानमन्त्री ओलीलाई मिर्गौला
<p>काठमाडौं। प्रधानमन्त्री केपी शर्मा ओलीलाई पुनः प्रत्यारोपण गर्न लागिएको मिर्गौला उनकी भाञ्जी समीक्षा संग्रौलाले दिने भएकी छन्।</p>
<p>त्रिभुवन विश्वविद्यालय शिक्षण अस्पताल महाराजगञ्जमा आउँदो २१ फागुनमा प्रधानमन्त्री ओलीले पुनः मिर्गौला प्रत्यारोपण गर्दैछन्। त्यसका लागि आज उनी अस्पताल भर्ना हुँदैछन्।</p>
<p>प्रधानमन्त्री ओलीलााई पुनः प्रत्यारोपणका लागि मिर्गौला दिन चाहनेको संख्या ठूलो भए पनि अन्ततः भान्जीको मिर्गौला नै सबै हिसाबले ‘म्याच’ भएको बताइएको छ।</p>
<p>आफूलाई मिर्गौला दिन लागेकी करीब ३२ वर्षीया समीक्षालाई प्रधानमन्त्री ओलीले ११ फागुनमा आफ्नो ६९औं जन्मदिनका अवसरमा बालुवाटारस्थित निवासमा आयोजित कार्यक्रममा अरु नातेदार र शुभचिन्तकहरुसँग चिनजान गराएका थिए। </p>
<p>प्रधानमन्त्री ओलीका दुवै मिर्गौलाले काम गर्न छाडेपछि २०६४ साउनमा भारतको अपोलो अस्पतालमा मिर्गौला प्रत्यारोपण गरिएको थियो। </p>
<p>त्यतिबेला उनलाई भाइ बुहारी अञ्जना घिमिरेले मिर्गौला दिएकी थिइन्।</p>
<p>प्रत्यारोपण गरेको १२ वर्षपछि मिर्गौलामा समस्या देखिएपछि प्रधानमन्त्री ओलीले गत कात्तिकयता नियमित डायलासिस गर्दै आएका छन्।</p>
प्रतिक्रिया दिनुहोस्
.jpg)
