भारतमा थप दुईजनालाई कोरोना संक्रमण भएको पुष्टि, चीनबाट नेपालसमेत हुँदै भारत प्रवेशमा रोक
<p>काठमाडौं। भारतको स्वास्थ्य मन्त्रालयले आज दिल्ली र तेलंगानामा एक-एकजना कोरोना भाइरसका संक्रमित भएको पुष्टि गरेको छ। दिल्लीमा पहिलोपटक कोरोना संक्रमित पुष्टि भएको हो। </p>
<p>दिल्लीमा फेला परेका कोरोना संक्रमितले हालै इटलीको भ्रमण गरेका थिए भने तेलंगानामा फेला परेका व्यक्तिले दुबईको।</p>
<p>यसैबीच भारतीय सरकारको अध्यागमन विभागले आज एक विज्ञप्ति जारी गर्दै १५ जनवरीदेखि यता चीन पुगेका कसैलाई पनि भारत प्रवेशका लागि अनुमति नदिने जनाएको छ।</p>
<p>‘१५ जनवरीमा र त्यसपछि चीनमा रहेका कुनै पनि विदेशीलाई वायु, जमिन र समुद्री कुनै पनि माध्यमबाट भारत प्रवेशका लागि अनुमति छैन। उनीहरूलाई भारत-नेपाल, भारत-भुटान, भारत-बंगलादेश र भारत-म्यानमारका नाकाबाट समेत प्रवेश निषेध गरिएको छ’, विज्ञप्तिमा उल्लेख छ। </p>
<p>भारतले संसारका कुनै पनि ठाउँबाट आउने चिनियाँ पासपोर्टधारीलाई ५ फेब्रुअरी दिइएको भिसा खारेज गर्ने निर्णय गरेको छ।</p>
प्रतिक्रिया दिनुहोस्
.jpg)
