देउवाद्वारा प्रधानमन्त्रीलाई मिर्गौलाको सफल प्रत्यारोपणको शुभकामना
<p>काठमाडौं। प्रमुख प्रतिपक्षी दल नेपाली कांग्रेसका सभापति शेरबहादुर देउवाले प्रधानमन्त्री केपी शर्मा ओलीको मिर्गाैलाको सफल प्रत्यारोपणको कामना गरेका छन्। </p>
<p>सभापति देउवाले आज साँझ ट्वीटरमा लेखेका छन्– ‘प्रधानमन्त्री एवं मेरा मित्र केपी शर्मा ओलीजीको मिर्गौलाको सफल प्रत्यारोपणको शुभकामना व्यक्त गर्दै शीघ्र स्वास्थ्य लाभको कामना गर्दछु।’</p>
<p style="text-align:center"><img alt="" height="539" src="https://www.dekhapadhi.com/storage/photos/shares/Health/Deuba.JPG" width="295" /></p>
<p>२१ फागुनमा प्रधानमन्त्री केपी शर्मा ओलीको दोस्रोपटक मिर्गौला प्रत्यारोपण हुँदैछ। त्यसका लागि आज साँझ प्रधानमन्त्री ओली त्रिभुवन विश्वविद्यालय शिक्षण अस्पताल महाराजगञ्जमा भर्ना भएका छन्।</p>
<p>ओलीलाई मिर्गौला दान गर्ने उनकी भान्जी समीक्षा संग्रौला पनि आजै अस्पताल भर्ना भएकी छन्।</p>
<p>यसअघि करीब १२ वर्ष अघि पहिलोपटक मिर्गौला प्रत्यारोपण गरेका प्रधानमन्त्री ओलीले मिर्गाैलाले काम नगरेपछि नियमित डायलासिस गराउँदै आएका थिए। </p>
<p><br />
</p>
प्रतिक्रिया दिनुहोस्
.jpg)
