वसन्तपुरमा चीर ठड्याएसँगै शुरू भयो होली
<p>काठमाडौं। फागु अर्थात् होली पर्व शुरू भएको संकेत गर्दै काठमाडौंको वसन्तपुरमा चीर ठड्याइएको छ।</p>
<p>आज बिहान ७ बजे ५७ मिनेटको साइतमा वसन्तपुरमा विधिपूर्वक चीर ठड्याइएको हो।</p>
<p>प्रत्येक वर्ष फागुन शुक्ल अष्टमीका दिन विभिन्न रंगका कपडाका ध्वजापतकासहित सजाईएको बाँसको तीन खण्डे चीर ठड्याएपछि होली पर्व शुरू भएको मानिन्छ ।</p>
<p>तीन तले यो चीरलाई फागुन शुक्ल पूर्णिमाको राति टुँडिखेलमा लगेर जलाएपछि होली पर्व सकिएको मानिन्छ।</p>
<p><img alt="" height="640" src="https://www.dekhapadhi.com/storage/photos/shares/Culture/basantapur_chir 1.jpg" width="960" /></p>
<p>चीर ठड्याइएसँगै स्थानीयहरूले हर्ष-बढाईँका साथ अबिर दलेर खुसी मनाएका छन्।</p>
<p>यस वर्षको होली काठमाडौंलगायत पहाडी जिल्लाहरूमा २६ फागुन र तराई मधेसका जिल्लाहरूमा २७ फागुनमा परेको छ।</p>
<p>सरकारले होली पर्व मनाउन सार्वजनिक विदा दिँदै आएको छ। </p>
प्रतिक्रिया दिनुहोस्
.jpg)
