चितवनमा बन्यो थारु सांस्कृतिक संग्रहालय
<p>चितवन। चितवनको रत्‍ननगर नगरपालिका–६ बछौलीमा थारु अनुसन्धान केन्द्रको भवन निर्माण गरिएको छ।</p>
<p>पर्यटकीय गन्तव्य सौराहामा स्थापना भएको थारु सांस्कृतिक संग्रहालयसँगैको अनुसन्धान केन्द्र नेपालमै पहिलो हो।</p>
<p>अनुसन्धान केन्द्रको नयाँ भवन गैरआवासिय नेपाली संघ (एनआरएनए) का पूर्व अध्यक्ष जीवा लामिछानेले उद्‍घाटन गरे। </p>
<p>भवन निर्माणका लागि लामिछाने अध्यक्ष रहेको खेमलाल र हरिकला लामिछाने प्रतिष्ठानले १२ लाख ३१ हजार १६१ रूपैंया सहयोग गरेको छ।</p>
<p>यस्तै निर्वाचन क्षेत्र पूर्वधार विकास कार्यक्रमअन्तर्गत सांसद सुरेन्द्र पाण्डे र रुकमणि चौधरीबाट १० लाख रूपैंया, रत्ननगर नगरपिलका- ५, ६ र ७ बाट चार लाख रूपैंया, आन्तरिक स्रोतबाट पाँच लाख रूपैंया, स्वयंमसेवी विद्यार्थी फ्रान्सबाट दुई लाख रूपैंया सहयोग प्राप्त भएको संग्रहालयका अध्यक्ष वीरेन्द्र महतोले जानकारी दिए।</p>
<p>संग्रहालयमा अवलोकनका लागि विदेशी तथा स्वदेशी पर्यटक आउने गरेका छन्।</p>
<p>स्थानीय थारु समुदाय, राष्ट्रिय प्रकृति संरक्षण कोष र थारु सांस्कृतिक संग्रहालय मिलेर अनुसन्धान केन्द्रको स्थापना गरेका हुन्। <em>रासस</em></p>
प्रतिक्रिया दिनुहोस्
.jpg)
