थरुहट मोर्चाको बन्दले सुदूरपश्चिमको जनजीवन प्रभावित (तस्वीरहरूसहित)
<p>कैलाली। थरुहट-थारुवान राष्ट्रिय मोर्चाले आह्वान गरेको तराइ बन्दका कारण यहाँको जनजीवन ठप्प भएको छ।</p>
<p>कैलाली, कंचनपुर, बर्दिया, बाँके, दाङसहितका तराईका जिल्लाहरूमा बन्दको प्रभाव परेको छ।</p>
<p><img alt="" height="720" src="https://www.dekhapadhi.com/storage/photos/shares/Feature Photo/tharuhat banda3.jpg" width="960" /></p>
<p>सुदूरपश्चिमबाट चल्ने लामो तथा छोटो दूरीका सवारीसाधन गुडेका छैनन्। शैक्षिक संस्थाहरूसमेत बन्द छन्।</p>
<p>सुन्दर सुदूरपश्चिम यातायात प्राली धनगढीका अध्यक्ष पदमराज सापकोटाले प्रालिका बसहरू आज नछोडिएको बताए।</p>
<p>सुदूरपश्चिम प्रदेश ट्राफिक प्रहरी कार्यालय अत्तरियाका प्रहरी उपरीक्षक लोकेन्द्र श्रेष्ठले प्रहरीले स्कर्टिङ गरेर गाडी संचालन गराएको भए पनि लामो दूरिका सवारीसाधन भने नचलेको जानकारी दिए।</p>
<p><img alt="" height="720" src="https://www.dekhapadhi.com/storage/photos/shares/Feature Photo/tharuhat banda.jpg" width="960" /></p>
<p>बजारका केही पसलहरू रूपमा खुलेको तथा मोटरसाइकल र अटोरिक्साहरु भने निर्वाध रूपमा चलेका छन्।</p>
<p>यातायातका साधन नचल्दा भारत लगायत विभिन्न ठाउँबाट आएका यात्रु धनगढी बसपार्कमा अलपत्र परेका छन्।</p>
<p>बन्दको पूर्वसन्ध्यामा मोर्चाले गरेको मसाल जुलुशबाट प्रहरीले कञ्चनपुरबाट सञ्जय रानालाई नियन्त्रणमा लिएको मोर्चाका कैलाली संयोजन माधव थारुले बताए।</p>
<p>मोर्चाले सरकारसँग १४ बुँदे माग राख्दै सरकारलाई दवाब दिन भनेर आज र भोली आमहड्तालको घोषणा गरेको हो।</p>
<p><img alt="" height="720" src="https://www.dekhapadhi.com/storage/photos/shares/Feature Photo/tharuhat banda4.jpg" width="960" /></p>
प्रतिक्रिया दिनुहोस्
.jpg)
