प्रधानमन्त्रीको मिर्गौला प्रत्यारोपण आज
<p>काठमाडौं। प्रधानमन्त्री केपी शर्मा ओलीको मिर्गौला प्रत्यारोपण आज हुँदैछ।</p>
<p>आज बिहानबाट प्रत्यारोपण गर्ने गरी सम्पूर्ण तयारी पूरा गरिएको अस्पतालले जनाएको छ।</p>
<p>प्रधानमन्त्री तीन दिनअघि १९ फागुनमा मिर्गौला प्रत्यारोपणका लागि महाराजगंजस्थित त्रिवि शिक्षण अस्पतालमा भर्ना भएका हुन्।</p>
<p>शल्यक्रिया टोलीमा यूरोलोजिस्‍ट डा. उत्तम शर्मा, डा. प्रेम ज्ञवाली, डा. पवन चालिसे, मृर्गौला विशेषज्ञ तथा प्रधानमन्त्रीका निजी चिकित्सक डा. दिव्य सिंहलगायत छन्।</p>
<p>अस्पतालले २० फागुनमा विज्ञप्ति निकालेर प्रधानमन्त्री केपी शर्मा ओलीलाई आवश्यक औषधि दिन शुरू गरिएको जनाएको थियो। </p>
<p>अस्पतालले प्रधानमन्त्री ओलीको स्वास्थ्य अवस्था राम्रो रहेको विज्ञप्तिमा उल्लेख गरेको थियो। </p>
<p>प्रधानमन्त्रीलाई उनकी भाञ्जी समीक्षा संग्रौलाले मिर्गौला दिँदैछिन्।</p>
<p>करीब १२ वर्ष पहिले पहिलोपटक प्रत्यारोपण गरेको ओलीको मिर्गौलाले राम्रोसँग काम नगरेपछि पछिल्लो समय उनले नियमित डायलासिस गराउँदै आएका थिए।</p>
प्रतिक्रिया दिनुहोस्
.jpg)
