नेपालबाट फर्किएका एक स्पेनीको कोरोना भाइरसको संक्रमणबाट मृत्यु
<p>काठमाडौं। स्पेनमा कोरोना भाइरसको संक्रमणबाट एकजनाको मृत्यु भएको त्यहाँका स्वास्थ्यकर्मीहरुले पुष्टि गरेका छन्।</p>
<p>उनी नेपालबाट फर्किएपछि ‘एक प्रकारको निमोनिया’ बाट ग्रसित रहेको र त्यसपछि उनको मृत्यु भएको बताइएको छ।</p>
<p>समाचार संस्था डेली मेलले जनाए अनुसार उनको १३ फेब्रुअरीमा मृत्यु भएको हो।</p>
<p>भ्यालेन्सियाका स्वास्थ्यकर्मीहरुले स्पेनमा कोरोना भाइरसका कारण मृत्यु हुने उनी पहिलो व्यक्ति रहेको पुष्टि गरेका छन्।</p>
<p>“शुरूआतमा उनको मृत्यु के कारणले भयो भन्ने खुलेको थिएन”, त्यहाँको क्षेत्रीय स्वास्थ्य निकायले भन्यो,“पूर्वव्यापी अनुसन्धान अनुसार उनको मृत्यु कोराना भाइरसकै कारणले भएको पुष्टि भएको छ।”</p>
<p>नेपाल घुमेर फर्किएका उनी बिरामी भएपछि त्यहाँको सिटी अस्पतालमा भर्ना गरिएको थियो। स्वास्थ्यकर्मीहरुका अनुसार अहिलेसम्म स्पेनमा कोराना भाइरसबाट १६५ जना संक्रमित भएका छन्।</p>
<p>क्षेत्रीय स्वास्थ्य अधिकारीहरूका अनुसार त्यहाँको भ्यालेन्सिया समुदायमा दुई नयाँ संक्रमित भेटिएका छन्।</p>
<p>बिरामीहरूको विशेष सघन कक्षमा राखेर उपचार भइरहेको छ।</p>
<p>मृत्यु हुने स्पेनी नागरिक नेपालबाट फर्किएपछि बिरामी भएको बताइए पनि उनलाई कोरोना भाइरसको संक्रमण कहाँ भएको भन्ने प्रष्ट गरिएको छैन।</p>
प्रतिक्रिया दिनुहोस्
.jpg)
