सन्दीप र करन चम्केपछि नेपालले नेदरल्याण्ड्सविरुद्ध पायो १३४ रनको लक्ष्य
<p>नेपालले टस जितेर पहिलो फिल्डिङ गर्ने निर्णय गरेको थियो । टस हारेपछि पहिले ब्याटिङको निम्तो पाएको नेदरल्याण्ड्सले १९.२ ओभरमा सबै विकेट गुमाएर १३३ रन बनायो ।</p>
<p>नेदरल्याण्ड्सलाई औसत योगफलमा समेट्न सन्दीप लामिछाने र करन केसीले शानदार बलिङ गरे । सन्दीपले चार ओभरमा २० रन दिएर नेदरल्याण्ड्सका चार ब्याट्सम्यानलाई आउट गरे ।</p>
<p>त्यसैगरी करन केसीले पनि चार विकेट लिए । उनले जम्मा १७ रन खर्चिए । एक विकेट ललितनारायण राजवंशीका नाममा रह्‍याे।</p>
<p>नेदरल्याण्ड्सका म्याक्स ओडौडले ४३ रन जोडेर नेपाली बलरलाई दबावमा राख्‍ने प्रयास गरे पनि सन्दीपले नै उनको विकेट लिएर खेलमा दबदबा कायमै राखेका थिए ।</p>
<p>शृंखलाको पहिलो खेलमा हिजो नेपालले हङकङमाथि चार विकेटको जित हात पारेको थियो ।</p>
<p> </p>
प्रतिक्रिया दिनुहोस्
.jpg)
