प्रधानमन्त्री ओलीको स्वास्थ्य लाभको कामना गर्दै भारतीय र भुटानी प्रधानमन्त्रीको पत्र
<p>काठमाडौं। प्रधानमन्त्री केपी शर्मा ओलीको मिर्गौलाको दोस्रो प्रत्यारोपणका लागि काठमाडौंस्थित त्रिभुवन विश्वविद्यालय शिक्षण अस्पतालमा शल्यक्रिया शुरु भइसकेको छ। </p>
<p>शल्यक्रिया अघि विभिन्न देशका सरकार प्रमुख, राजदूत र देशकै शीर्ष व्यक्तिहरूले उनको सफल शल्यक्रिया र शिघ्र स्वास्थ्य लाभको कामना गरेका छन्। </p>
<p>भारतका प्रधानमन्त्री नरेन्द्र मोदीले १९ फागुनमै पत्र पठाएर प्रधानमन्त्री ओलीको सफल शल्यक्रिया र शिघ्र स्वास्थ्य लाभको कामना गरेका थिए। </p>
<p>“भारत सरकार र जनताको तर्फबाट तपाईंको स्वास्थ्यका लागि हाम्रो साथ र सहयोग सदा कायम रहेको दोहोर्‍याउँछु। हाम्रो द्विपक्षीय सम्बन्धलाई अझ उँचाइमा पुर्‍याउन तपाईंका महत्वपूर्ण योगदान निरन्तर रहनेमा म पूर्णत आशावादी छु”, मोदीले पत्रमा लेखेका छन्। </p>
<p>प्रधानमन्त्री ओलीले भारतीय प्रधानमन्त्री मोदीलाई पत्रमार्फत् नै धन्यवाद ज्ञापन गरेको प्रधानमन्त्रीका प्रेस सल्लाहकार सुर्य थापाले बताए। </p>
<p style="text-align:center"><img alt="" height="635" src="https://www.dekhapadhi.com/storage/photos/shares/Health/pm health/Bhutanese.jpeg" width="500" /></p>
<p>त्यस्तै भुटानका प्रधानमन्त्री डा. लोट्टी छिरिङले पनि पत्र पठाउँदै प्रधानमन्त्री ओलीको शल्यक्रिया सफल हुने र उनी शिघ्र स्वस्थ हुने विश्वास व्यक्त गरेका छन्। </p>
<p>नेपालका लागि जापानी राजदूत मासामिची साइगोले पनि पत्र पठाएर प्रधानमन्त्री ओलीको ‘सफल शल्यक्रिया र शिघ्र स्वास्थ्यलाभको कामना’ गरेका छन्।</p>
<p>पाकिस्तान र बंगलादेशका नेपालस्थित राजदूतहरूले पनि प्रधानमन्त्रीलाई भेटेर आफ्नो देशका सरकार प्रमुखले पठाएको शीघ्र स्वास्थ्यलाभको कामना सुनाएको प्रेस सल्लाहकार थापाले बताए। </p>
<p style="text-align:center"><img alt="" height="630" src="https://www.dekhapadhi.com/storage/photos/shares/Health/pm health/japanese.jpeg" width="500" /></p>
<p><br />
</p>
प्रतिक्रिया दिनुहोस्
.jpg)
