देउवाले भने- 'कोरोना संक्रमणबाट जोगिन नमस्ते गर्नूस्, हामी त जय नेपाल गर्छौँ'
<p>कैलाली। शुरूमै फेला परेका एक जनामा बाहेक अन्यमा कोरोना महामारीको संक्रमण पुष्टि नभए पनि नेपालमा यसको त्रास बढ्दो छ।</p>
<p>यसबाट जोगिन सावधानीका उपाय अपनाउन विभिन्न क्षेत्रबाट आह्वान हुने गरेको छ।</p>
<p>यही क्रममा पूर्वप्रधानमन्त्री तथा नेपाली कांग्रेसका सभापति शेरबहादुर देउवाले पनि कोरोनाबाट जोगिन सचेत रहन आग्रह गरेका छन्।</p>
<p>"कोरोना भाइरस भन्ने खतरनाक रोग नेपालमा आएको छ। हात मिलाउन हुँदैन। नमस्ते गर्नुपर्छ", आज कैलालीमा पत्रकारसँग कुरा गर्दै देउवाले भने, "हामी त जय नेपाल गर्छौँ‌।"</p>
<p>चुनाव हारेका नेतालाई राष्ट्रिय सभामा ल्याइएको विषयमा देउवाले यो पार्टीको निर्णय भएको भन्दै केही प्रतिक्रिया दिएनन्।</p>
<p>देउवाले पश्चिम सेती, पञ्चेश्वर र सुख्खा बन्दरगाहले सुदूरपश्चिम प्रदेशलाई समृद्धितर्फ लैजाने बताए।</p>
<p>उनले आफू प्रधानमन्त्री हुँदा यी विषयलाई निकै प्रथमिकता दिएको बताउँदै गौरिफन्टा नाका पनि प्राथमिकतामा रहेको बताए।</p>
प्रतिक्रिया दिनुहोस्
.jpg)
