भारतले लगायो प्यारासिटामोल र भिटामिन बी सहित २६ औषधिको निर्यातमा प्रतिबन्ध
<p>काठमाडौं। कोरोना भाइरसको संक्रमितहरुको संख्या बढेसँगै भारत सरकारले औषधि र भिटामिनहरुको निर्यातमा प्रतिबन्ध लगाएको छ। </p>
<p>भारतको ‘विदेश व्यापार महानिर्देशनालय’ले २० फागुनमा एक सूचना जारी गर्दै प्यारासिटामोल लगायत २६ वटा औषधीहरुको निर्यातमा प्रतिबन्ध लगाएको छ। निर्यात प्रतिबन्धित केही एन्टिबायोटिक्स र भिटामिनहरु पनि छन्। </p>
<p>सूचीमा प्यारासिटामोल, भिटामिन बी१, भिटामिन बी२, भिटामिन बी१२ र तिनको निर्माणका लागि आवश्यक पर्ने रसायनहरु समेत छन्। </p>
<p>प्यारासिटामोल, टिनिडाजोल, मेट्रोनिडाजोल, एसाक्लोभिर, भिटामिनहरु बी१, बी६, बी१२, प्रोजेस्टोरोन, क्लोरामफेनिकल, इरिथ्रोमाइसिन, नियोमाइसिन, अर्नीडाजोल लगायतका औषधीहरु निर्यात प्रतिबन्धित सुचीमा छन्। </p>
<p>प्रतिबन्धित औषधीमध्ये धेरैजसो नेपालमा भारतबाट आयात गरिन्छन्। चालु आर्थिक वर्षको सात महीनामा मात्रै नेपालमा १८ अर्ब ५९ करोड ९० लाख ५९ हजार रूपैयाँकाे औषधीको आयात भएको छ।</p>
<p>त्यसमध्ये भारतबाट ६३ लाख ८० हजार रुपैयाँ बराबरको भिटामिन बी१ आयात भएको छ। त्यस्तै १७ लाख ४० हजार रुपैयाँको भिटामिन बी६ र १ करोड १४ लाखको भिटामिन बी१२ आयात भएको छ। </p>
<p>भारतले निर्यात प्रतिबन्ध लगाएका औषधीको सूची जारी सूचनाको तस्वीरमा छ।</p>
<p style="text-align:center"><img alt="" height="592" src="https://www.dekhapadhi.com/storage/photos/shares/Health/indian notice 1.JPG" width="415" /></p>
<p style="text-align:center"><img alt="" height="454" src="https://www.dekhapadhi.com/storage/photos/shares/Health/indian notice 2.JPG" width="418" /></p>
<p> </p>
प्रतिक्रिया दिनुहोस्
.jpg)
