प्रधानमन्त्रीको शल्यक्रिया सम्पन्न, मिर्गाैला प्रत्यारोपण सफल
<p>काठमाडौं। प्रधानमन्त्री केपी शर्मा ओलीको मिर्गाैला प्रत्यारोपणका लागि गरिएको शल्यक्रिया सम्पन्न भएको छ। </p>
<p>त्रिभुवन विश्वविद्यालय शिक्षण अस्पताल महाराजगञ्जमा आज करीब पाँच घण्टा लगाएर गरिएको प्रधानमन्त्रीको मिर्गाैला प्रत्यारोपण सफल भएको छ।</p>
<p>प्रत्यारोपण टोलीको नेतृत्व गरेका डा. प्रेमराज ज्ञवालीले प्रत्यारोपण सफल भएको र अहिले प्रधानमन्त्री ओलीलाई ‘पोष्ट अपरेटिभ वार्ड’मा राखिएको <em>देखापढी</em>लाई बताए। </p>
<p>प्रधानमन्त्री ओलीको दोस्रोपटक मिर्गाैला प्रत्यारोपण गरिएको हो। </p>
<p>प्रधानमन्त्रीलाई उनकी भाञ्जी समिक्षा संग्रौलाले मिर्गाैला दिएकी हुन्। </p>
<p>यसअघि प्रधानमन्त्री ओलीले १२ वर्ष पहिले भारतको अपोलो अस्पतालमा मिर्गाैला प्रत्यारोपण गरेका थिए। त्यतिबेला उनकी भाइबुहारी अञ्जना घिमिरले मिर्गौला दिएकी थिइन्।</p>
<p>दोस्रोपटक मिर्गाैला प्रत्यारोपणका लागि प्रधानमन्त्री ओली १९ फागुनमा अस्पताल भर्ना भएका थिए। </p>
<p>एकदेखि दुई हप्तासम्म अस्पताल बसेपछि प्रधामनन्त्री ओली डिस्चार्ज हुने शिक्षण अस्पताल स्रोतले बताएको छ। </p>
प्रतिक्रिया दिनुहोस्
.jpg)
