महाकाली अस्पताल: २८ चिकित्सकको दरबन्दीमा २ जना कार्यरत्
<p>कञ्‍चनपुर। कञ्‍चनपुरको भीमदत्त नगरपालिका-१८ मा रहेको महाकाली अस्पतालमा चिकित्सकको अभाव भएपछि बिरामीको उपचारमा समस्या भएको छ।</p>
<p>चिकित्सकको अभावमा बिरामीहरु भारतको निजी अस्पतालमा महँगो पैसा तिरेर उपचार गराउन बाध्य छन्। </p>
<p>अस्पतालमा डेन्टल नवौँ तहका ७ जना मेडिकल अधिकृत, १० औँ तहका १६ जना र ११ औँ तहका ४ जनासहित २८ चिकित्सकको दरबन्दी छ।</p>
<p>अहिले प्रसूति रोग विशेषज्ञ हरिकुमार श्रेष्ठ र छाला रोग विशेषज्ञ शम्भु जोशी गरी २ जना मात्र कार्यरत् छन् । दरबन्दी अनुसारको चिकित्सक पदपूर्ति नभएको अस्पतालले जनाएको छ।</p>
<p>अस्पतालमा आएका सामान्य रोगका बिरामीबाहेक अन्यलाई उपचारका लागि बाहिर रिफर गरिंदै आएको अस्पतालका सूचना अधिकारी केशवदत्त अबस्थीले बताए।</p>
<p>जनशक्ति अभावमा अस्पतालका विरामी जाँचमा प्रयोग हुने उपकरणहरु पनि थन्किएका छन्। <em>रासस</em><br />
</p>
प्रतिक्रिया दिनुहोस्
.jpg)
