करनको शानदार ब्याटिङसँगै नेपालद्वारा नेदरल्याण्ड्स ४ विकेटले पराजित
<p>टस जितेर पहिले फिल्डिङ गरेको नेपालले एक बल बाँकी छँदै नेदरल्याण्ड्सले दिएको १३४ रनको लक्ष्य पुरा गरेको हो ।</p>
<p>नेपालको जीतमा बलिङतर्फ शानदार प्रदर्शन गरेका करन केसीले ब्याटिङ्‍मा पनि अविश्वसनीय प्रदर्शन देखाए । नेपाल हारतर्फ उन्मुख भएका बेला सातौं नम्बरमा ब्याटिङ गर्न आएका करनले १४ बलमा ३१ रन बनाए ।</p>
<p>नेपालको ब्याटिङ धर्मराएका बेला क्रिजमा आएका उनले ३ छक्का र एक चौका प्रहार गरे । </p>
<p>नेपालको इनिङ्समा शुरुआत राम्रो भए पनि नियमित अन्तरमा विकेट पतन हुँदै जाँदा टोली हारको संघारमा पुगेको थियो । करनले नेपाली टोलीलाई अविश्वसनीय जीत दिलाएको यो दोस्रो पटक हो । त्यसैगरी कप्तान पारस खड्काले ३३ र विनोद भण्डारीले २६ रन बनाए ।</p>
<p>यसअघि टस हारेपछि पहिले ब्याटिङको निम्तो पाएको नेदरल्याण्ड्सले १९.२ ओभरमा सबै विकेट गुमाएर १३३ रन बनाएको थियो ।</p>
<p>नेदरल्याण्ड्सलाई औसत योगफलमा समेट्न सन्दीप लामिछाने र करन केसीले शानदार बलिङ गरे । सन्दीपले चार ओभरमा २० रन दिएर नेदरल्याण्ड्सका चार ब्याट्सम्यानलाई आउट गरे ।</p>
<p>त्यसैगरी करनले पनि १७ रन खर्चेर चार विकेट नै लिए । शृंखलाको पहिलो खेलमा हिजो हङकङमाथि चार विकेटको जित हात पारेको नेपालले २२ असोजमा आयरल्याण्ड र २३ असोजमा आयोजक ओमनसँग खेल्नेछ ।</p>
<p> </p>
प्रतिक्रिया दिनुहोस्
.jpg)
