छात्रवृत्तिका विशेषज्ञ चिकित्सकलाई खटाएको ठाउँमा जान स्वास्थ्य मन्त्रालयको ५ दिनको अल्टिमेटम
<p>काठमाडौं। स्वास्थ्य तथा जनसंख्या मन्त्रालयले छात्रवृत्तिका विशेषज्ञ चिकित्सकलाई खटाइएको अस्पतालमा गएर काम गर्न पाँच दिनको म्याद दिएको छ।</p>
<p>जारी गर्दै करारनामा गरिएका ती चिकित्सकहरु पाँच दिन भित्र हाजिर नभए सरकारले गरेको लगानी असूल उपर गरिने मन्त्रालयले २१ फागुनमा सार्वजनिक सूचनामार्फत चेतावनी दिएको छ।</p>
<p>मन्त्रालयले त्रिवि चिकित्साशास्त अध्ययन संस्थान, महाराजगंज, चिकित्सा विज्ञान राष्ट्रिय प्रतिष्ठान (न्याम्स) र वीपी कोईराला स्वास्थ्य विज्ञान प्रतिष्ठान धरानबाट एमडी/एमएस/ एमडीएस/ डीएम र एमसीएचमा छात्रवृत्तिमा अध्ययन गरेकाहरूलाई तोकिएको स्थानमा गएर काम गर्न भनेको हो।</p>
<p>स्वास्थ्य तथा जनसंख्या मन्त्रालयका सह प्रवक्ता सागर दाहालले <em>देखापढी</em>सँग भने, "छात्रवृत्तिमा अध्ययन गर्ने चिकित्सकले पढाइ सकेपछि कामको करारनामा गर्नुपर्छ । तर, आफैँले गरेको कबुलियतनामालाई अटेर गरेर बस्ने प्रवृत्ति बढेकाले हामीले कारवाही शुरू गरेका हौं।"</p>
<p>चिकित्साशास्त्र छात्रवृत्ति छनोट तथा छात्रवृत्ति प्राप्त विशेषज्ञ चिकित्सक परिचालन कार्यविधि, २०७२ को प्रावधान अनुसार त्यस्ता चिकित्सकले खटाएको सरकारी अस्पतालमा दुई वर्ष सेवा गर्छु भनी करारनामा गरेका हुन्छन्।</p>
प्रतिक्रिया दिनुहोस्
.jpg)
