डोटीमा शुरू भयो स्वास्थ्य बीमा
<p>डोटी। यहाँ स्वास्थ्य बीमा कार्यक्रम शुरू भएको छ।</p>
<p>स्वास्थ्य तथा जनसङ्ख्या राज्यमन्त्री नवराज रावतले दिपायलमा एक कार्यक्रमका बीच दुई वृद्धाको बीमा गरी स्वास्थ्य बीमा शुरू गरेका हुन्।</p>
<p>उनले यस अभियानमा गाउँ-गाउँसम्म प्रभावकारी बनाउन निर्देशनसमेत दिए।</p>
<p>बीमा अभियानअन्तर्गत पूर्ण अपांगता व्यक्ति, ज्येष्ठ नागरिक, एचआइभी सङ्क्रमित, कुष्ठरोग र क्षयरोगका बिरामीलाई निःशुल्क बीमा गरिने जिल्ला स्वास्थ्य कार्यालयका स्वास्थ्य प्रमुख रमेश मलासीले बताए।</p>
<p>स्वास्थ्य स्वयंसेविकालाई ५० प्रतिशत छुट दिइएको छ। एकाघरका पाँचजना सम्मको परिवारलाई तीन हजार ५०० र पाँचभन्दा बढी भए प्रतिएकजना बराबर ७०० रूपैयाँका दरले वार्षिक प्रिमियम लाग्नेछ ।</p>
<p>योसँगै सुदूरपश्चिमका नौ वटै जिल्लामा बीमा कार्यक्रम कार्यान्वयनमा आएको छ।</p>
<p>सुदूरपश्चिम क्षेत्रीय स्वास्थ्य सेवा निर्देशनालय दिपायल राजपुरका डा. भूषण मिश्रले हालसम्म ४८८ स्थानीय तहमा स्वास्थ्य बीमा कार्यक्रम विस्तार भइसकेको बताए।</p>
<p>प्रदेशको कूल जनसंख्या २५ लाख ५२ हजार ५१७ रहेकोमध्ये हालसम्म दुई लाख ४६ हजार २०३ जना स्वास्थ्य बीमामा आवद्ध भएका छन्। <em>रासस</em></p>
प्रतिक्रिया दिनुहोस्
.jpg)
