Others

गृहपृष्ठ

सुदूरपश्‍चिम सरकारले बाँडेका 'अत्याधुनिक' एम्बुलेन्स आधाभन्दा बढी बिग्रिए कैलाली। सुदूरपश्&zwj;चिम सामाजिक विकास मन्त्रालयले वितरण गरेका एम्बुलेन्सहरू वितरण गरिएको चार महिना नबित्दै बिग्रिएर थन्किएका छन् । मन्त्रालयले 'अत्याधुनिक' भनेर  वितरण गरेका १६ एम्बुलेन्समध्ये आधाभन्दा बढी बिग्रिएका हुन्। २१ फागुनमा महेन्द्रनगरबाट बिरामी बोकेर धनगढी आएको महाकाली अस्पतालको एम्बुलेन्स निसर्ग अस्पतालमा पुगेपछि बन्द भयो। चालक रणबहादुर विष्टले आज बिहान सेती प्रादेशिक अस्पतालको पुरानो एम्बुलेन्स मगाएर तानेर उक्त एम्बुलेन्सलाई सिप्रदीको सर्भिस सेन्टरमा पुर्&zwj;याएको बताए। उनले बाध्यताले एम्बुलेन्स चलाउनु परेको गुनासो गरे। "यो एम्बुलेन्स त नाम मात्रको छ। समस्या त भनी साध्य छैन" विष्टले भने, " ८० को स्पिडभन्दा बढी कुदाउन पनि मिल्दैन। ठूलो ट्रक जस्तो छ, पहाडका मोडमा सजिलै मोड्न पनि सकिँदैन।" बिरामीलाई समयमै सुविधा सम्पन्न अस्पतालमा सुरक्षित रूपमा पुर्&zwj;याउन प्रयोग गरिने एम्बुलेन्स नै चालक र बिरामीका लागि जोखिमपूर्ण भएको चालकहरूले बताएका छन्। यसअघि नै सिप्रदीको सर्भिस सेन्टरमा चारवटा एम्बुलेन्स मर्मतका लागि राखिएका छन्। एक महीनाअघि दुर्घटना भएको बझाङ छविस पाथिभेरा गाउँपालिकाको स्वास्थ्य चौकीको एम्बुलेन्स पनि मर्मत भएको छैन। सुदूरपश्चिम प्रदेश सरकारले गत कात्तिकमा वितरण गरेका  टाटा कम्पनीको ४०७ मोडेलका १६ ओटा मिनी ट्रकहरुलाई एम्बुलेन्स बनाएर वितरण गरेकै दिनदेखि विवादित छ।