कोरोना प्रभाव : प्रतितोला ८० हजार ७ सय पुग्यो सुनको भाउ
<p>काठमाडौं। केही दिनयता निरन्तर उकालो लागिरहेको सुनको मूल्य आज पनि बढेको छ।</p>
<p>आज नेपाली बजारमा सुन प्रतितोला ८० हजार ७०० रूपैयाँमा कारोबार भइरहेको छ।</p>
<p>विश्वभर कोरोना महामारी फैलिएपछि लगानीकर्ताहरूले आफ्नो सम्पत्ति सुरक्षित गर्नका लागि सुनका लगानी बढाएका कारण अन्तर्राष्ट्रिय बजारमा केही दिन यता सुनको मूल्य निरन्तर बढिरहेको व्यवसायीहरूले बताएका छन्।</p>
<p>नेपाल सुन चाँदी व्यवसायी संघले आजको लागि नेपाली बजारमा हिजो, २१ फागुनको भन्दा सुनको मूल्य २०० रुपैयाँ बढाएको छ।</p>
<p>हिजो छापावाल सुन प्रतितोला ८० हजार ५०० रूपैयाँमा कारोबार भएको थियो।</p>
<p>चाँदीको मूल्य भने स्थिर रहेको छ। २१ फागुनमा प्रतितोला ८ सय ८० रुपैयाँमा कारोबार भएको चाँदी मूल्य आज पनि उत्ति नै छ।</p>
<p>विश्वव्यापी रूपमै शेयर बजारमा गिरावट आउन थालेपछि त्रसित उद्योगी व्यवसायीहरूले सुनमा लगानी बढाइरहेका छन्।</p>
<p>शेयर मूल्य निरन्तर ओरालो लाग्दा विश्वकै धनाढ्यहरूको सम्पत्ति पनि क्रमशः घटिरहेको छ।</p>
<p>सुनमा गरिएको लगानी विश्वव्यापी रुपमा सुरक्षित मानिने हुनाले अर्थतन्त्रमा समस्या आउँदा धेरैजसोले सुनमा लगानी बढाउने गरेका छन्।</p>
प्रतिक्रिया दिनुहोस्
.jpg)
